تنبيه فوري
إشعار على موبايلك في ثواني، ولو ما وصلش لأي سبب بنبعتلك رسالة واتساب بداله.
كلاكس
لو حد قافل عليك، يبعتلك تنبيه — من غير ما يشوف رقمك
ستيكر QR على إزاز عربيتك. اللي يمسحه تفتح له صفحة ويب من غير تحميل أي أبلكيشن، يختار رسالة جاهزة، وتوصلك في ثانيتها.
🔒 بيانات صاحب العربية مخفية بالكامل
سجّل عربيتك — بتشتغل إزاي؟
- سجّل برقم موبايلك وأضف عربيتك في دقيقة
- اطبع الستيكر ببلاش والزقه على الإزاز
- أي حد يمسح الكود — يوصلك تنبيه في ثانيتها
عايز تشوفها شغالة الأول؟ديمو
دي عربية تجريبية للعرض. امسح واختار رسالة وشوف بيحصل إيه — عربيتك الحقيقية هيبقى ليها صفحة زيها بالظبط.
EGYPTمصر
23كلاكس
امسح الكود ده بكاميرا موبايلك — هتفتح لك صفحة العربية التجريبية على طول.
كلاكس بيشتغل إزاي؟
تلات خطوات، مرة واحدة بس، وببلاش.
اطبع الستيكر
سجّل، ضيف عربيتك، ونزّل ملف الستيكر جاهز للطباعة من صفحة العربية.
الزقه على الإزاز
على الإزاز الأمامي بحيث الكود يبان من بره. الملف فيه نسخة معكوسة لو حابب تلزقه من جوه.
التنبيه بيوصلك
أي حد يمسح الكود يختار رسالة جاهزة، ويوصلك تنبيه في ثانيتها — من غير ما يعرف رقمك ولا اسمك.
EGYPTمصر
عربية مسجلة في كلاكس
خصوصيتك هي أساس الفكرة
كلاكس اتعمل علشان حد يقدر يوصلك عند عربيتك من غير ما يعرف عنك أي حاجة.
- رقم موبايلك ما بيظهرش لحد — ولا مرة، ولا لأي سبب.
- اللي بيمسح الكود مجهول هو كمان: انت مش بتعرف مين هو ولا رقمه.
- الستيكر نفسه مجرد كود عشوائي — مفيهوش اسم ولا رقم لوحة ولا أي حاجة تدل عليك.
- رقمك متخزن مشفّر، وتقدر تمسح حسابك بكل حاجة فيه من الإعدادات في أي وقت.
بنجمع أقل بيانات ممكنة ونديك حق تمسحها كلها ساعة ما تحب — زي ما بيقول قانون حماية البيانات الشخصية المصري.
إيه اللي بتاخده معاك
ستيكر ببلاش
نزّل الملف واطبعه في أي مكتبة. مقاس جاهز، وفيه نسخة عادية وواحدة معكوسة.
وضع السفر
أوقف كل استيكراتك بضغطة وانت مسافر، ورجّعهم لما ترجع — بنفس الستيكر المطبوع.
من غير تحميل أبلكيشن
بيشتغل من المتصفح على أي موبايل، وتقدر تحطه على الشاشة الرئيسية زي أي تطبيق.