مركز المساعدة

الموضوع كله بياخد دقيقتين، وببلاش.

1. 1سجّل برقم موبايلك — هيوصلك كود على واتساب علشان نتأكد إن الرقم معاك.
2. 2ضيف عربيتك واديها اسم تعرفها بيه، زي «اللانسر». رقم اللوحة مش مطلوب خالص.
3. 3من صفحة العربية اضغط «نزّل الستيكر جاهز للطباعة (PDF)».
4. 4اطبعه والزقه على الإزاز الأمامي بحيث الكود يبان من بره.

الملف فيه نسخة عادية ونسخة معكوسة، علشان تقدر تلزقه من جوه الإزاز برضه.

لو انت الواقف قدام العربية: مفيش تسجيل، ومفيش أي حاجة تتحمّل.

• •بتفتح لك صفحة فيها رسايل جاهزة — اختار اللي بيوصف الموقف: قافلة عليا، النور شغال، هتتشال بالونش، وغيرها.
• •صاحب العربية بيوصله التنبيه على طول، من غير ما يعرف مين انت ولا رقمك.
• •سيب الصفحة مفتوحة — لو رد عليك، زي «جاي حالاً»، الرد بيظهر في نفس الصفحة.

لا انت بتشوف رقمه ولا هو بيشوف رقمك، والصفحة بتنتهي لوحدها بعد ساعة.

غالبًا واحدة من التلاتة دول:

• •التنبيهات لسه مش مفعّلة على الجهاز: افتح الإعدادات واضغط «فعّل التنبيهات»، ولازم تسمح للمتصفح بيها لما يسألك.
• •ساعات الهدوء شغالة: من ١٠ بالليل لحد ٦ الصبح مفيش إشعار ولا واتساب، غير التنبيه المستعجل. التنبيه بيفضل موجود في قايمة التنبيهات وتشوفه أول ما تفتح.
• •نوع الرسالة متكتّم: في الإعدادات فيه قايمة «تنبيهات من غير إشعار» — اتأكد إن النوع اللي بتستناه مش متعلّم عليه.

لو الإشعار ما وصلش خالص، بنبعتلك رسالة واتساب بداله — فاتأكد إن رقمك في كلاكس هو رقم الواتساب الشغال معاك.

من الإعدادات، قسم «رقم الموبايل».

1. 1اكتب الرقم الجديد واضغط «ابعت كود للرقم الجديد».
2. 2هيوصل على واتساب على الرقم الجديد كود من ٦ أرقام، صالح ٥ دقايق.
3. 3اكتب الكود واضغط «أكّد وغيّر الرقم» — وبعدها التنبيهات تروح على الرقم الجديد.

لازم يكون الرقم الجديد معاك دلوقتي: من غير الكود مفيش حاجة بتتغير.

مسافر، أو مش عايز حد يوصلك فترة؟

1. 1من الإعدادات اضغط «أوقف كل الاستيكرات» — كل عربياتك بتقف مرة واحدة.
2. 2اللي يمسح الكود هيلاقي صفحة عادية من غير أي بيانات، ومش هيعرف يبعتلك حاجة.
3. 3لما ترجع اضغط «رجّع كل الاستيكرات تشتغل» — بنفس الستيكر المطبوع، مش محتاج تطبع تاني.

لو عايز توقف عربية واحدة بس، اعملها من صفحة العربية نفسها.

أقل بيانات ممكنة، ومحدش بيشوف رقم حد.

• •اللي بنخزنه: رقم موبايلك مشفّر، اسم عربيتك، والتنبيهات اللي وصلتلك.
• •اللي ما بيظهرش لحد أبدًا: رقمك، اسمك، ورقم اللوحة. صفحة المسح مفيهاش أي بيانات عنك.
• •الاستثناء الوحيد باختيارك انت: لو فعّلت «اعرض آخر رقمين من اللوحة» علشان اللي بيمسح يتأكد إنها عربيتك.
• •امسح حسابك في أي وقت من الإعدادات: بيتشال كل حاجة، والتنبيهات القديمة بتتفصل عنك.

بنجمع أقل بيانات ممكنة ونديك حق تمسحها كلها ساعة ما تحب — زي ما بيقول قانون حماية البيانات الشخصية المصري.

فيه طريقتين، وكل واحدة ليها حالتها:

• •الستيكر باهت أو اتقطع: نزّل الملف تاني من صفحة العربية واطبعه. نفس الكود، وكل حاجة بتفضل زي ما هي.
• •حد بيضايقك أو الكود وصل لحد مش عايزه: اضغط «غيّر الكود» من صفحة العربية — الكود القديم بيبطل خالص ولازم تطبع الستيكر الجديد.

لو بعت العربية، غيّر الكود قبل ما تسلّمها.